Sogama instalará unha planta de transferencia de lixo no polígono de Arbo

Sogama acaba de adquirir un total de catro parcelas no polígono industrial de Arbo para instalar neste concello unha das novas planta de transferencia. Xestur, organismo dependente da Consellería de Medio Ambiente, Territorio e Vivenda, foi o que adxudicou a superficie, un total de 4.420 metros cadrados polos que Sogama aboará preto de 190.000 euros, tras aplicárselle unha bonificación dun 50% sobre o prezo de venda.

Coa nova planta de transferencia de Arbo, ademais de ofrecer aos concellos da zona un servizo de valorización da materia orgánica a menos de 50 quilómetros, Sogama defende que logra unha instalación cunha “maior capacidade, prestacións e eficiencia que a que opera actualmente na contorna”.

Másnoticias

Degustaciones gastronómicas, fiesta de Samaín, magosto y mucho más en el otoño de Arbo

08/10/2024

Cuenta atrás en Arbo para celebrar uno de los grandes eventos gastro de Galicia, la Fiesta de la Lamprea

24/09/2024

A futura instalación poderá transferir a bolsa amarela —envases de plástico, latas e briks depositados no contedor amarelo— e, así mesmo, a materia orgánica recollida de forma selectiva a través do quinto contedor, de cor marrón.

A Xunta explica que, adxudicación deste solo, avánzanse un paso máis na materialización dunha rede que estará integrada por catro plantas de biorresiduos —unha en funcionamento, a de Cerceda, e tres que construirá a Xunta en Cervo, Vilanova de Arousa e Verín— e 13 plantas de transferencia, como a que se instalará en Arbo.