Mos celebra a súa primera Festa dos Callos

A primeira Festa dos Callos de Mos, organizada pola Unión Deportiva Mos, presentouse esta mañá no Concello, coa asistencia de Nidia Arévalo, alcaldesa de Mos, Pablo Serodio, presidente da Unión Deportiva Mos, outros representantes da directiva da U.D. Mos e outros representantes das empresas colaboradoras e do goberno municipal.

A festa celebrarase o mércores, 6 de decembro, xornada festiva, pero xa a partir da véspera comezarase a preparar este popular e delicioso prato. A mesma noite do 5 ao 6 de decembro se alguén quixese degustar os callos xa poderá facelo. Alejandro Alonso de Coren será o mestre chef. O prezo da ración é de 5€ para levar e 7€ no caso de tomala con cazola conmemorativa, pan e viño.

Másnoticias

El emblemático edificio de Antonio Palacios en O Porriño que será un Castillo del Terror por Samaín

23/10/2024

O Porriño presenta la fiesta gastronómica en la que "harás buenas migas", así será la Feira do Pan

19/10/2024

Esta homenaxe culinaria a un prato moi invernal e tradicional da cultura galega en xeral e da comarca da Louriña en particular celebrarase na Avenida de Sanguiñeda, nas inmediacións da Discoteca Queen, onde haberá instalada unha gran carpa.

Dende a organización da festa esperan que perdure moitas edicións para o que tentarán mellorar ano tras ano. Nesta ocasión cociñaranse entre 6.000 e 8.000 racións, e estarán preparados para aumentar este número se fixese falta. Dado que as previsións meteorolóxicas son boas, espérase numerosa afluencia.

A celebración contará con animación musical tanto o 5 de decembro pola noite como o 6 ao longo de todo o día, a cargo de Single Radio, que tamén emitirá o seu programa en directo o día 6.