O festival de cine máis 'freaky' de Galicia está en Vigo

A Asociación Cultural Reencanto Produccións, organizadora do Primavera do Cine en Vigo e agora tamén do Galician Freaky Film Festival, presentou o cartel oficial do evento, unha ilustración de Paulo Mosca e un grafismo de María Llauguer.

Pode interesarche: Semana do mellor cine submarino en Vigo

Másnoticias

La acusada de llevarse a su hijo de Vigo sin avisar afirma que no impedía las visitas al padre

23/10/2024

Así es el novedoso plan de ocio que se oculta tras los carteles que han aparecido en Vigo

23/10/2024

Con este certame preténdese reivindicar o freakismo galego e dar visibilidade a toda a cultura galega cinematográfica xerada a partir dos anos 80 e 90. Por iso os días 21, 22 e 23 de decembro proxectaranse en Vigo máis de 20 pezas audiovisuais e se farán diferentes actos paralelos entre os que destacan a realización dunha performance na rúa do Príncipe e tres concertos que se sucederán ó longo do certame.

Que é o Galician Freaky Film Festival?

Os filmes poderanse ver nun espazo do urban market Progreso 41 aberto especialmente para a ocasión e que dará cabida a todos os asistentes que desexen ver, desfrutar e formar parte do auténtico freakismo galego.

A inauguración do certame será o xoves, día 21, cun concerto no que se musicalizarán en vivo varias obras do cinema mudo e que dará o pistoletazo de saída a todos os actos que se farán despois.

Ademais, o venres 22, haberá un concerto de Mad Martin Trio no local Transilvania e o fin de festa será o sábado 23 no Mogambo, no que actuarán Igmig.

En palabras do seu director, Juan de Castro, “Galicia ten moita riqueza da cultura freak que comezou na época da movida con Siniestro Total e Os Resentidos e continuou co bravú, o Xabarín Club e o feísmo galego. É verdade que hai outros festivais de serie B e cinema experimental pero centrados no galego e no horterismo galego este vai ser o primeiro”.

O cartel do festival

O cartel oficial do evento mistura unha ilustración de Paulo Mosca co grafismo de María Llauger.

Un cartel no que se pode apreciar a esencia e a filosofía deste evento e no que se ven distintas edificacións emblemáticas da cidade de Vigo coma o Concello ou a ponte de Rande completamente en ruinas polos actos dun vilán que leva consigo unha arma en forma de cámara cinematográfica.