A Deputación destinará 4,5 millóns para mellorar o estado das estradas provinciais

O Pleno da Deputación de Pontevedra dará luz verde este venres ao novo acordo marco de conservación de firmes das estradas provinciais que destinará case 4,5 millóns de euros para intervir en todos os concellos durante o 2021. A presidenta Carmela Silva, xunto ao deputado de Infraestruturas Gregorio Agís, puxo en valor este xoves “o enorme esforzo económico que facemos este ano aumentando os investimentos, ademais de actuar con equidade, na totalidade da provincia”.

A presidenta insistiu en que “o obxectivo é manter en bo estado todas as infraestruturas porque nos importa a seguridade das veciñas e veciños e non facer política partidaria”. Dende o 2018 o goberno provincial investiu xa 17,5 millóns de euros na conservación dos máis de 1.650 quilómetros que ten a rede de estradas provinciais.

Másnoticias

La Diputación presenta su Agenda Urbana y Rural para facilitar la captación de fondos europeos

23/10/2024

La Diputación destinará ocho millones a modernizar espacios deportivos de los pequeños concellos

22/10/2024

O novo acordo marco, que ten vixencia dun ano prorrogable ata catro, permitirá realizar todo o mantemento da rede de estradas provinciais, ademais de repoñer tamén a sinalización afectada. Os traballos estenderanse pola provincia de Pontevedra a través dunha nova distribución en seis zonas, o que supón unha máis que as cinco que estipulaba o acordo anterior. Así, na zona A, que abrangue os concellos de Lalín, Dozón, Rodeiro, Agolada e Vila de Cruces, investiranse 638.184 €; a zona B, á que se destinará 867.894 €, inclúe a Silleda, A Estrada, Cerdedo-Cotobade, Forcarei, Caldas, Cuntis, Valga, Pontecesures e Catoira; a Zona C, onde se investirán 634.094 €, abrangue os concellos de Barro, Caldas, Portas, Cambados, O Grove, Sanxenxo, Meaño, Meis, Ribadumia, Vilanova e A Illa; a Zona D, á que se destinarán 878.598 €, comprende Pontevedra, Vilaboa, Ponte Caldelas, A Lama, Cerdedo-Cotobade, Barro, Poio, Cangas, Moaña, Marín, Bueu, Pazos, Fornelos, Redondela, Soutomaior, Moraña e Campo Lameiro; a Zona E, onde se investirán 723.076 €, inclúe os concellos de Salceda, Pazos, Tui, Ponteareas, Salvaterra, As Neves, Mondariz, Mondariz-Balneario, A Cañiza, Covelo, Arbo e Crecente; e a Zona F, á que se achegarán 689.073 €, abrangue Vigo, Nigrán, Baiona, Gondomar, O Porriño, Salceda, Mos, Redondela, Tui, Tomiño, Oia e O Rosal.

“Todos os concellos se beneficiarán do esforzo inversor que facemos para manter en boas condicións os firmes das estradas provinciais” asegurou Carmela Silva. “Actuamos con equidade, na totalidade da provincia e mantemos en bo estado todas as infraestruturas”, engadiu Silva quen recordou que “cando gobernaba o PP na Deputación os únicos firmes que se mantiñan eran os das estradas provinciais situadas nos concellos gobernados polo PP”.