Dúbidas sobre o plan de seguridade do carril bici de Vigo

A modernidade e esa sustentabilidade tan demandada precisa de accións como carrís especiais para bicis e patinetes eléctricos. Vigo atópase nese camiño. Inaugurou fai unhas semanas o primeiro tramo dun vial que conectará Samil co barrio de Teis. Marea de Vigo, sen embargo, amosa a súa preocupación pola actúa. O seu portavoz, Rubén Pérez Correa, sinala que “o carril bici está decidido sen un criterio técnico e improvisando medidas recomendadas pola DGT” e destaca que supón “un serio risco” para as persoas usuarias, os viandantes e os condutores de vehículos ao transitar en paralelo á liña do Vitrasa”. Abel Caballero xa sinalou que non habería tal problema coa liña do transporte público xa que o tránsito de ciclistas ou usuarios de patinete eléctrico sería regulado a través de semáforos.

Marea de Vigo esixe que as cuestións de seguridade estean sempre presentes neste tipo de actuacións que implican mobilidade e teñan incidencia na vía pública. Rubén Pérez Correa lembra que foi aprobada unha moción que reclamaba a necesidade de adaptar a cidade “aos novos xeitos de mobilidade que cada día son unha realidade máis complexa e con formulacións que requiren tanto de infraestruturas coma de organización diferentes”.

Másnoticias

La acusada de llevarse a su hijo de Vigo sin avisar afirma que no impedía las visitas al padre

23/10/2024

Así es el novedoso plan de ocio que se oculta tras los carteles que han aparecido en Vigo

23/10/2024

O grupo municipal tira de hemeroteca. Destaca que no ano 2017 xa consideraba acertada a concreción dunha ordenanza sobre mobilidade sostible, pero que entendía que esta “tiña que artellarse dentro das liñas estratéxicas do Plan de Mobilidade Urbana Sostible (PMUS) aprobado polo Concello de Vigo en 2014”. Nese documento recollíase coma un dos obxectivos a mellora das condicións de mobilidade peonil e ciclista. Rubén Pérez apunta que “a decisión de que o carril bici transcorra por estas vías non está realmente acorde cos obxectivos marcados no PMUS e nas propostas iniciais de carrís bici, xa que e precisamente polas dificultades de tráfico e deseño que comportan rúas coma Pizarro ou Camelias, se priorizaban outras vías”. Marea de Vigo reitera a súa petición ao Concello sobre este Plan de Seguridade e asegura que o solicitará ao valedor en caso de non dispoñer do mesmo o 31 de outubro.