Mos xa disfruta da súa piscina ao aire libre, que abrirá diariamente durante todo o verán

As dúas piscinas ao aire libre de Mos situadas na urbanización de San Eleuterio atópanse xa abertas e en funcionamento. As instalacións, que constan de dúas piscinas: unha grande e unha pequena -para os nenos de máis curta idade-, e de baños, contarán en todo momento cos servizos dun socorrista. A piscina está situada na zona oeste da urbanización de San Eleuterio, na parroquia mosense de Tameiga, xunto ó parque infantil e a pista deportiva.

Durante o mes de de xuño a apertura será soamente en horario de tarde, entre as 15.00 e as 21.00 horas, namentres que nos meses de xullo e agosto será de 11.30 a 21.30 horas ininterrumpidamente, durante todos os días.

Másnoticias

El emblemático edificio de Antonio Palacios en O Porriño que será un Castillo del Terror por Samaín

23/10/2024

O Porriño presenta la fiesta gastronómica en la que "harás buenas migas", así será la Feira do Pan

19/10/2024

Na piscina ao aire libre de San Eleuterio, dentro do programa municipal Mos no Verán, impartiranse clases de Aquagym ou ximnasia na auga durante os meses de xullo e agosto dirixidas á poboación en xeral. As sesións celebraranse en dous grupos, un os martes e xoves, en horario de 10:45 horas a 11:30 horas (momento da apertura para o público xeral), e outro os mércores e venres no mesmo horario. As prazas son limitadas e a inscrición previa pode realizarse na Piscina Municipal sita no Pavillón Óscar Pereiro (tlf. 986 33 40 70) ou na propia Piscina de San Eleuterio.