A Feira do Requeixo celebrarase por partida dobre

As Neves agarda para un dos momentos máis esperados do ano. A Feira do Requeixo e Mel presentouse ese venres cun amplo programa de actividades que permitirán ser os petiscos perfectos para a gran cita que terá lugar os días 19 e 20 de abril. Precisamente, a gran novidade do evento é que este ano irá máis aló do Venres Santo, celebrándose tamén o Sábado Santo. “A Feira ten a suficiente forza para ofrecer produto durante dous días”, afirmou o alcalde de As Neves, Xosé Manuel Rodríguez Méndez.

A Feira do Requeixo e Mel destaca por ser unha festa gastronómica que ten como principal protagonista un elemento tan singular e tradicional como o requeixo. O rexedor de As Neves calcula que a cita congregará entre 25.000 e 30.000 persoas. “É o momento onde nos engalanamos para ofrecerlle á xente o que somos, amosar a capacidade de rexeneración que temos”, apunta Rodríguez Méndez.

Másnoticias

Vigo acoge una nueva Festa da Mazá con tapas, mercadiño, música y concursos

18/10/2024

Nace en Vigo una gran fiesta popular para reivindicar una joya natural y sus frutos

17/10/2024

O prezo de cada unidade de requeixo e mel será de 1,50 euros. O presidente da Cooperativa do Requeixo do Condado-Paradanta, Alejandro Martínez, prevé que se repartirán máis de 4.000 racións desta xoia da gastronomía tradicional galega.

O día grande da Feira do Requeixo e Mel será o Venres Santo. A festa inaugurase ás 11:00 horas, antes de dar paso ao pregón que este ano estará a cargo do chef Iván Domínguez, do restaurante Nado, “Estrella Michelín” e compoñente do Grupo Nove. Como ocorre en edicións anteriores, o pregón consistirá na elaboración dunha receita na que o chef empregará requeixo como un dos principais ingredientes da mesma. Nesta mesma xornada terá lugar a entrega dos premios do Concurso de Receitas das Neves, ademais de animación musical a cargo da charanga Os Jaranas (12:30), a actuación de Circo Chosco na Praza Maior (17:00) e o concerto de A Banda das Crechas e Davide Salvado na Praza Maior (20:00).

O sábado 20 de abril a Feira abrirá ás 12:00 horas. As actividades comezan coa celebración dunha actividade de kaiak no río coa firma Paralelo Zero (09:30) e continuará coa celebración do Gran Capítulo Cofradía do Tinto das Rías Baixas e proseguirá co “Vermú musical” a cargo de Brassica Rapa (13:15). O programa remata ás 18:00 horas co concerto de Os Meninos na Praza Maior.

Os "petiscos" da Feira do Requeixo e Mel

Os “petiscos” cara a gran fin de semana do requeixo xa comezaron coa disputa da Ruta BTT “O Requeixo” que tivo lugar o pasado 24 de marzo. As propostas para ir quentando a gran cita do ano en As Neves comezarán o venres 12 co Requeixo miúdo, unha actividade educativa destinada aos máis pequenos no Mercado Municipal, ás 11:00 horas, que terá como grandes protagonistas á mel e ao requeixo.

O martes 16 de abril a gastronomía mesturarase coa música. O Obradoiro da EFA A Cancela acollerá ás 15:00 horas a segunda edición do Concurso de receitas Requeixo das Neves mentres que ás 20:30 horas terá lugar o Requeixo Brass, un concerto da Escola de Música de Rubiós no Auditorio Municipal.

A programación continúa o mércores 17 co showcooking do chef Manuel Garea no Obradoiro da EFA A Cancela, unha exhibición aberta á participación do público. Os interesados poden inscribirse de balde ata o 10 de abril a través do correo electrónico recetas@requesonymiel.com ou no teléfono 986 64 80 38,

O xoves 18 de abril, a só 24 horas do gran día da Feira do Requeixo e Mel, os asistentes poderán gozar co concerto que ofrecerá a Banda de Música Infantil e Xuvenil de Rubiós no Auditorio Municipal ás 12:30 horas.

A presentación da Feira do Requeixo contou coa presenza do alcalde de As Neves, Xosé Manuel Rodríguez Méndez, o presidente da Cooperativa do Requeixo do Condado-Paradanta, Alejandro Martínez, e da técnico de Turismo de As Neves, María Francisco.