A irreverente “raclette” de Ibuprofeno Teatro chega este sábado a Gondomar

O Auditorio Lois Tobío de Gondomar acollerá este sábado, 24 de novembro, “Raclette” a obra de Ibuprofeno Teatro que emula a particular forma de comer en comunidade dos pastores suízos, pero adaptada a novas realidades e tempos.

Dirixida por Santiago Cortegoso, esta raclette urbana e contemporánea, une durante unha cea dúas tramas que aparentemente non teñen relación, pero que se entrelazan para rematar contando unha historia terrible que trata temas universais como a morte, a parella, a maternidade, a cobiza, a culpa e a violencia.

Másnoticias

Un futbolista acepta tres meses de prisión por romperle la nariz a un rival en Gondomar

22/10/2024

Excursión de Nigrán a Allariz para disfrutar del festival en el que los jardines "son obras de arte"

21/10/2024

Os cinco personaxes conforman un complexo mosaico humano: un choque entre visións do mundo que se volven incompatibles pero que han de convivir a pesar das diferenzas. Son cinco persoas que están pasando por momentos cruciais nas súas vidas, momentos de cambios, de inestabilidade, marcados por acontecementos que han deixar pegadas profundas para o resto da súa existencia. Son cinco universos que reflicten as contradicións dunha sociedade enferma que devora os seus integrantes.

Raclette, de Ibuprofeno Teatro, foi finalista XX Premios Max das Artes Escénicas Mellor Autoría Teatral e Mellor Dirección de Escea, Premio Álvaro Cunqueiro para textos teatrais 2014, Mellor Espectáculo de Sala da 19 edición da "Feria de Teatro de Castilla y León-Ciudad Rodrigo", Mención Especial do Xurado no XIX Certamen de teatro Garnacha de Haro, Premio María Casares de Teatro 2017 ao Mellor Texto Orixinal e Premio Teatro Autor Exprés 2016.

A obra, que comezará ás 20:00 horas, ten un prezo de 3,5€ e as portas abrirán ás 19:00 horas.