Conta atrás para que comece a xira "máis escura e potente" de Fillas de Cassandra en Vigo

Fillas de Cassandra iniciara este venres, 16 de febreiro, a xira “Últimas Dionisíacas” na súa cidade natal, Vigo. Tras esgotar, en menos de 10 días, os 1.400 billetes dispoñibles para a cita no Auditorio Mar de Vigo, o dúo conformado por María SOA e Sara Faro estreará no hall do recinto o seu novo directo.

O concerto, que comezará ás 22:00 horas, a apertura de portas será ás 21:30 horas, contará coa colaboración de diversas bandas e solistas cuxa participación será toda unha sorpresa para o público asistente.

Másnoticias

La acusada de llevarse a su hijo de Vigo sin avisar afirma que no impedía las visitas al padre

23/10/2024

Así es el novedoso plan de ocio que se oculta tras los carteles que han aparecido en Vigo

23/10/2024

“Últimas Dionisíacas” é a nova proposta escénica e musical de Fillas de Cassandra, na que as artistas fan unha revisión dos temas máis coñecidos do seu primeiro LP, 'Acrópole', desde unha electrónica máis escura e potente. Tamén recuperan algúns dos sinxelos publicados nos últimos meses e dan a coñecer outros inéditos para o público.

Neste directo, a luz e a escenografía teñen un papel moi relevante; mais unha das principais novidades é que Fillas de Cassandra están acompañadas sobre o escenario dunha banda, que integran Tania Caamaño e Marina Vidal. Desde xeito, e con esta formación, o grupo relevación do panorama musical galego no 2023 aposta pola organicidade do piano, o bombo legüero, as pandeiretas, os pandeiros, violín ou as harmonías vocais en rigoroso directo, mais sen esquecer as bases electrónicas producidas por María SOA e Berto.

Máis música en directo no Mar de Vigo 

O concerto de Ara Malikian previsto para este sábado 17 de febreiro no Auditorio Mar de Vigo foi cancelado debido a problemas de saúde do artista. "O equipo médico ha aconsellado (ao artista) tomar un descanso da súa apertada axenda de xiras para centrarse na recuperación e o seu benestar", explica a promotora nun comunicado.

O éxito rotundo co que Fillas de Cassandra esgotaron as súas entradas súmase a unha serie de impresionantes eventos no Auditorio Mar de Vigo para os vindeiros meses. As entradas para o concerto de Funzo & Baby Loud, previsto para o 16 de marzo dentro da súa xira de despedida, "Negative Cloud Pa Sempre Tour", tamén se esgotaron en tempo récord.

Pero a emoción non se detén aquí, xa que se aveciñan máis experiencias musicais inesquecibles con Pablo López, para o que restan poucas entradas para o concerto do 14 de marzo. El Barrio, Coque Malla, Xabier Díaz & Adufeiras de Salitre, Valeria Castro, Malú ou The Jayhawks, as entradas sairán á venda proximamente, forman parte da destacada programación musical que fará vibrar ao público nos próximos meses.