As Xornadas da Camelia de Salceda chegan cunha mostra de produtos feitos con esta flor

O Concello de Salceda celebrará unha nova edición das Xornadas da Camelia esta fin de semana. Na mostra participarán máis de 60 expositores chegados de toda a xeografía galega e do norte de Portugal, que amosarán centos de variedades desta flor ornamental de orixe oriental, que se estenderán ao longo de máis de 100 metros de exposición, situada no Auditorio Municipal.

Ademais das diferentes variedades de flor que se poderán ver en Salceda, poderanse coñecer tamén outros produtos derivados da camelia, tales como marmelada, te, madeira ou aceite, que estarán presentes grazas á Estación Fitopatolóxica do Areeiro, que realiza unha labor fundamental no estudo e difusión das diferentes posibilidades que ofrece esta flor, e que cada ano ven participando na mostra de Salceda.

Másnoticias

Sustos y mucho misterio en la tercera "Noite do Averno" del Centro Cultural Soutelo

22/10/2024

Una épica batalla, mucho tapeo, verbeneo y furancheo, las 10 citas del finde en Vigo y área

18/10/2024

Segundo destacou a concelleira de Turismo, Lucía Pereira, a cita é un dos eventos máis importantes do ano no municipio, xa que nas últimas edicións contou con máis de 2.000 persoas visitantes. A Mostra conta con diversos actos de programación cultural complementaria, como a actuación de Xulio Lorenzo o sábado ás 16:30 no acto de inauguración, que contará coa presenza dos expositores ademais dos organizadores e colaboradores.

Durante a presentación do evento, a rexedora local, Verónica Tourón, salientou a “importancia de retomar actividades socioculturais tan importantes e tradicionais para Salceda” como as Xornadas da Camelia, despois de dous anos de pandemia.