Convocan unha folga indefinida de estudantes nas tres universidades galegas

Despois dunha campaña en redes que chegou a ser trending topic en twitter cos cancelos como #FinDeCursoXa, #AsíNonUVigo ou #AsíNonUsc, o sindicato estudantil ANEGA vén de convocar unha folga de “duración indefinida” dende este xoves 16 de abril para lograr as súas demandas.

Os promotores reclama a liquidación do curso académico coa superación automática das materias, na liña do que pediron outras asociacións coma ANPAS galegas no ensino medio, así coma varios partidos políticos coma Anova, Podemos ou o BNG. Para iso, o estudantado deixará de asistir ás clases virtuais e de entregar traballos, sendo a primeira folga destas características na historia do Estado.

Másnoticias

UGT constata el "desinterés" de la Xunta por garantizar la seguridad en la Cidade da Xustiza de Vigo

La acusada de llevarse a su hijo de Vigo sin avisar afirma que no impedía las visitas al padre

23/10/2024

Así es el novedoso plan de ocio que se oculta tras los carteles que han aparecido en Vigo

23/10/2024

Dende ANEGA, denunciaron que os estudantes “xa perdemos toda a confianza nas nosas universidades”, logo das declaracións en prensa dos reitores da USC ou da UDC anunciando medidas de forma “totalmente extraorgánica ás canles de comunicación co estudantado”. As medidas anunciadas polas universidades van dende a realización de exames telemáticos, que requiren dunha infraestrutura que dende o sindicato califican de “inexistente”, ata a realización de exames presenciais, “moi perigosos” no contexto de pandemia que estamos vivindo, e foron rexeitadas por un gran número de estudantes nas redes sociais.

Ademais, ANEGA denuncia as consecuencias económicas e psicolóxicas que esta tendo sobre o estudantado a crise do COVID-19, que, conxuntamente coas graves limitacións técnicas da avaliación, imposibilitan continuar o curso.